Në një seancë plenare të Asamblesë së Përgjithshme të Kombeve të Bashkuara të premten, Raportuesi Special i OKB-së, Michael Fakhri, dënoi ashpër dështimin e Kombeve të Bashkuara për të parandaluar urinë në Gaza.
“OKB-ja jo vetëm që ka dështuar, OKB ka vdekur në Gaza”, deklaroi Fakhri.
Ai përmendi vdekjen tragjike të dy fëmijëve palestinezë, si dëshmi e rënies së misionit humanitar të OKB-së. “OKB-ja u shemb kur Mahmoud Fatouh vdiq në moshën dy muajshe më 24 shkurt 2024 dhe më pas vdiq dhjetëvjeçari Yazan al-Kafarneh më 4 mars 2024.”
Këto jetë të reja thuhet se ishin viktimat e para të kequshqyerjes, dehidratimit dhe urisë gjatë asaj që Fakhri e përshkroi si fushata e fundit e urisë nga Izraeli në Gaza.
“Ju e keni dëgjuar Izraelin të shpallë qëllimet e tij gjenocidale dhe keni qenë dëshmitarë të veprimeve gjenocidale të Izraelit kundër popullit palestinez në Gaza. Ju keni qenë dëshmitarë të fushatës më të shpejtë të urisë në historinë moderne të Izraelit”, theksoi Fakhri.
Ai gjithashtu vuri në dukje se edhe me armëpushimin aktual, “fushata e Izraelit vazhdon”.
Realitetet e vazhdueshme, sipas Fakhri-t, nënkuptojnë se “gjenocidi, pushtimi dhe Nakba e Izraelit në Palestinë nuk kanë mbaruar”. Pwr mw shumw, ndihma humanitare dhe fondet për rindërtim mbeten ende shumë të kufizuara në Gaza.
Shkatërrimi në Gaza shkon përtej shkatërrimit fizik. “Nuk është vetëm Gaza në rrënoja, vetë OKB-ja është shembur në rrënoja”, përfundoi Fakhri.
