Një person është arrestuar nga Policia e Kosovës për veprën penale “Lajmërim i rremë”.
Fillimisht, Policia e Kosovës dy ditë më parë kishte nisur hetimet për veprën “grabitje” të raportuar nga viktima, tashmë i arrestuar për shkak të dyshimit se rreth orës 23:00 në fshatin Zhabar të Mitrovicë, i njëjti ishte ndaluar nga dy persona të dyshuar, ku nën kërcënimin e armës kinse i janë grabitur një shumë e parave.
Policia thotë se gjatë hetimeve kanë arritur të sigurojnë dëshmi dhe të zbulojnë se nuk ekziston asnjë provë që në kohën e raportimit të veprës të ketë ndodhur ajo grabitje.
Si rezultat i kësaj, raportuesi me inicialet P.H., 26-vjeçar është arrestuar dhe i është caktuar masa e ndalimit për 48 orë.
“Mbështetur në provat e siguruara, me autorizim të prokurorit vepra penale “Grabitje’ rikualifikohet në veprat penale ‘ Lajmërim i rremë ’ dhe ” Keqpërdorim i besimit”, thuhet në njoftim./teve1.info/
