Një shtetas i Shqipërisë është raportuar i zhdukur në fshatin Jezercë të Ferizajt, kanë bërë të ditur autoritetet policore.
Sipas Policisë së Kosovës, personi është larguar nga kjo zonë më 21 janar dhe që nga ajo kohë nuk dihet asgjë për vendndodhjen e tij.
“Është raportuar se viktima mashkull shtetas i Shqipërisë është larguar nga lokacioni i lartcekur dhe nuk dihet për vendndodhjen e tij. Rasti nën hetime”, thuhet në raportin e Policisë së Kosovës.
Policia ka bërë të ditur se hetimet për zbardhjen e rastit janë në vazhdim.
