Deklarata e Dick Martyt se ka pasur plane nga ana e Serbisë që ta vrasin atë dhe fajin t’ua hedhin kosovarëve ka ngjallur reagime të shumta në Kosovë.
Madje në mesin e kërkesave ka qenë edhe shfuqizimi i raportit të tij, që më pastaj çoi deri te themelimi i Gjykatës Speciale.
Por, një gjë e tillë sipas profesorit të së drejtës penale ndërkombëtare, është e pamundur të bëhet.
“Mundësia për suprimimin, heqjen apo abrogimin e atij raportit është e pamundur. E pamundur është se është aprovuar nga Këshilli i Evropës dhe si i tillë është i përfunduar”,ka thënë Ismet Salihu – Profesori i së Drejtës Penale Ndërkombëtare.
Madje, Ehat Miftaraj nga Instituti i Kosovës për Drejtësi thotë se në historinë e Këshillit të Evropës, nuk mbahet mend shfuqizimi i ndonjë raportit të tillë.
Raporti me pretendimet e Martyt u votua nga Këshilli i Evropës në janar të vitit 2011, akt ky i cili i hapi rrugë edhe krijimit të asaj që sot njihet si Gjykata Speciale.
Raporti i gazetarit Valmir Gallopeni.
