Rangersi i Skocisë po vlerësohet favorit për transferimin e Albion Rrahmanit gjatë kësaj vere.
Mësohet se ekipi skocez ka ofruar 6 milionë euro për kartonin e sulmuesit 23-vjeçar. Marrëveshja mes palëve mund të arrihet pasi Rapid Bukureshti është gati të pranoj ofertën e Rangersit, ekip që po insiston për transferimin e Rrahmanit.
Rrahmani do të largohet nga Rapidi pasi ka tërhequr vëmendjen e shumë skuadrave evropiane, përfshirë nga Italia, Anglia, Gjermania e Portugalia.
Ai ka kontratë deri në vitin 2026 me Rapidin, ekip që për kartonin e tij kërkonte 8 milionë euro fillimisht.
Rrahmani iu bashkua Rapidit verën e shkuar nga Ballkani për 600 mijë euro, ndërsa në sezonin e tij të parë në Rumani, shënoi 17 gola në të gjitha garat.
