Ramosaj në emisionin “Info Nata” në Tëvë1, tha se mirëmbajtjen e pastërtisë e kanë marrë me përgjegjësi dhe se punëtorët e kompanisë së pastrimit punojnë me përkushtim.
“Deçani është qyteti më i pastër në Kosovë. E kemi marrë përgjegjësi dhe kur e merr përgjegjësinë duhet me pas një përkushtim, duhet asaj përgjegjësie me i dalë zot dhe duhet me tregu atë përkushtimin tënd serioz. Kemi një kompani komunale e cila ka ndërtesën më të bukur në Kosovë, e cila është më e pajisur në Kosovë dhe e cila kompani punëtorët e kësaj ndërmarrje janë shtru në heronj të atij shteti për shkak të përkushtimit dhe dashnisë që kanë në punë”, ka deklaruar ai.
Ramosaj foli edhe për ujin e pijshëm në Deçan, ku tha se 38 vendbanime sa ka kjo komunë, kanë ujë të pijes.
“Ajo që është e vërtet, Deçani ka 38 vendbanime dhe në to ka ujë të pijes, ka rrjet të ujësjellësit. Deçani nuk e menaxhon ujin e pijes, menaxhohet nga një kompani rajonale. Kemi bë iniciativa që me pas këtë ndërmarrje komunale për shkak se e kishim menaxhu më mirë’, ka thënë ai. /Teve1.info/
