Në emisionin “Ditari”, Ramadani shpjegoi prejardhjen e kësaj sëmundje, për të cilën tha se shkaktohet nga virusi i lijës së majmunëve, por që sipas tij, nuk është në grupin e Covid-19.
“Etiolomogjia e kësaj sëmundje është një sëmundje që shkaktohet nga virusi i lijës së majmunëve, por nuk është në grupin e Covid-19, por është virus i lijës së majmunëve. Ajo çka është karakteristike, është se burim i infeksionit tek kjo sëmundje janë kafshët ose brejtësit, pastaj majmunet dhe njeriu i cili mund të jetë i infektuar mund të jetë bartës i kësaj sëmundje, kryesisht në kontakt me kafshët e sëmura, me pështymen e këtyre kafshëve si dhe të personit të infektuar pastaj lëngjet biologjike siç ne i quaj, gjaku dhe produktet e gjakut, piksat respiratorike, pastaj çarçafët e infektuar me gjakun e këtyre të sëmurëve mund të jenë si mundësi e përhapjes së kësaj sëmundje”, deklaroi ai.
Më tej infektologu Ramadani në Tëvë1 foli edhe për simptomat e lijës së majmunëve duke përmendur edhe dallimet me Covid – 19.
“Sëmundja shfaqet me një sindromë infeksion, temperatura tek të sëmurët është kryesisht e lartë deri 39, pastaj ethe, dridhje, paraqiten dhimbje nëpër nyje dhe muskuj, janë disa simptoma të njëjta me koronavirusin. Mirëpo këtu paraqitet ajtja e nyejve përkatëse që ne i quajmë limfatike dhe pastaj dominon ajo simptomoligjia shumë specifike që quhet ndryshimet në lëkurë, në fytyrë dhe në duar, fytyra e këtyre të sëmurëve është shumë e skuqur pastaj durët kanë një skuqje të theksuar që e dallon nga sëmundja Covid-19”, tha Ramadani./Teve1.info
