I ftuar në emisionin “ResPublika” me Zijadin Gashin, Ramadani tha se përmes pjesës veriore Serbia synon që ta mbajë pezull jo vetëm Kosovën por gjithëBallkanin.
Këtë deklaratë Ramadani e bëri derisa po komentonte incidentit e sotëm në veri të Kosovës, ku policia njoftoi se u pengua nga një veturë gjatë kryerjes së detyrave të saj dhe si rrjedhojë u detyrua të qëllonte me armë zjarri.
“Është tepër e qartë se ka shenja, indikacione në të cilat Serbia synon që të mbajë të tensionuar situatën në veri të Kosovës dhe rrjedhimisht të mbajë këtë togfjalëshin t’i themi eskalim dhe deskalim sepse kjo është synimi i qartë që Kosova të mbetet zonë e nxehtë, të themi pjesa veriore e Ksoovës, katër komunat tona atje dhe si i tillë të mbetet një territor i askujt me të cilin Serbia synon që ta mbajë pezull Ballkanin dhe jo vetëm Kosovën”, tha ai.
Tutje, lidhur me rastin e incidentit të sotëm në veri, Ramadani tha se siguria në atë pjesë dhe në gjithë Kosovën është cenuar, dhe sipas tij, kjo nuk është hera e parë që ndodh një gjë e tillë
“Grupet e kontrabandës janë ato të cilat i shërbejnë një qëllimi politik në një moment të caktum dhe të cilat kanë qenë të përdorshme dhe janë përdorur për vite me radhë jo vetëm në këtë situatë, sa është cenuar siguria. Pra jo vetëm në këtë situatë kur siguria në atë pjesë të Kosovës dhe rrjedhimisht pastaj në tërë Kosovën është cënuar, por është përdorur edhe në situata të mëhershme të cilat fatmirësisht kanë arritur të menaxhohen në formën në të cilën Serbia nuk ka arritur të realizojë qëllimin e vet”, shtoi Ramadani.
