Analisti, Sadri Ramabaja ka thënë se një koalicion qeverisës mes Lëvizjes Vetëvendosje dhe Nismës Socialdemokrate do të ishte më i natyrshmi nga të gjitha koalicionet e mundshme.
Ai ka thënë se këto dy parti ndajnë vlera të përbashkëta pasi janë forca të spektrit të majtë.
Në emisionin “InfoNata” ai ka thënë se do të ishte mirë për Kosovën që të bëhet një koalicion i tillë, ku ka theksuar edhe përvojën dhe kontributin e kryetarit të Nismës, Fatmir Limaj.
“Është krejtësisht i natyrshëm, është një koalicion mes dy forcave politike që ndajnë të njëjtat vlera politike, që dyja janë të definuara si forca politike të spektrit të majtë dhe asnjë një koalicion tjetër nuk do të ishte më i natyrshëm se ky”, ka thënë Rambaja.
Një deklarim i Limajt i cili nuk e ka përjashtuar mundësinë që të bashkëpunojë edhe me Lëvizjen Vetëvendosje, ka ngjallë reagime në opinion, duke pasur parasysh edhe kundërshtimet dhe kritikat që Limaj kishte ndaj Kurtit.
Reagime ka pasur edhe nga AAK e cila bashkë me Nismën, Konservatorët, Forumin Intelektual ishin në koalicion parazgjedhor.
Nga AAK kanë thënë se këto deklarime nga Nisma janë të pakuptueshme.
Por, Rambaja ka thënë se askush nuk mund t’ia mohojë të drejtën Nismës Socialdemokrate të bëhet pjesë e qeverisë.
Nga Lëvizja Vetëvendosje ende nuk ka pas ndonjë deklarim pas deklaratës së Limajt.
