Kryetari i Prishtinës, Përparim Rama ka thënë se ka vendosur që të angazhojë mjekët e pensionuar, të cilët gëzojnë shëndet dhe kanë gatishmëri për të vazhduar kontributin e tyre si këshilltarë në Drejtorinë e Shëndetësisë.
Rama në një postim në Facebook ka thënë se nga sot ata do të ndihmojnë Drejtorinë e Shëndetësisë për të krijuar një sistem më të mirë dhe shërbim cilësor për qytetarët e kryeqytetit, shkruan teve1.info
“Mjekët në pension të dobishëm për #kryeqytetin si këshilltarë në #drejtoriaeshëndetësisë. Duke marrë parasysh rëndësinë dhe mungesën e mjekut të familjes, sot me rastin e “Ditës Botërore të Mjekut të Familjes”, së bashku me #drejtoriaeshëndetësisë kemi vendosur që të angazhojmë mjekët e pensionuar, të cilët gëzojnë shëndet dhe kanë gatishmëri për të vazhduar kontributin e tyre për zhvillimin dhe avancimin e mjekësisë familjare në kryeqytet.
Nga sot ata do ndihmojnë Drejtorinë e Shëndetësisë, për të krijuar një sistem më të mirë, më efikas me shërbime më cilësore për qytetarët e kryeqytetit”, ika shkruar ai.
