Kryetari i Përparim Rama do të marrë pjesë nesër në Expo AI 2026 në Washington, ku do ta prezantojë Prishtina para publikut ndërkombëtar.
Ai ka theksuar se kjo nuk është vetëm një pjesëmarrje protokollare, por një moment i rëndësishëm për vendin.
“Kjo është një dëshmi politike, kombëtare dhe historike se Kosova po zë vend aty ku ndërtohet e ardhmja e botës”, ka deklaruar Rama.
Sipas tij, ky prezantim synon të ndryshojë perceptimin për Kosovën, duke e paraqitur atë si një vend me potencial në inovacion dhe teknologji.
“Nesër, para botës, Prishtina prezantohet si qytet i rinisë, si qendër e inovacionit dhe si simbol i një shteti që kërkon vendin e vet në epokën e inteligjencës artificiale”, është shprehur ai.
Rama e ka cilësuar këtë paraqitje si një hap të rëndësishëm drejt afirmimit ndërkombëtar të Kosovës dhe pozicionimit të saj në zhvillimet globale.
