Kryetari i Komunës se Prishtinës, Përparim Rama, ka vizituar Bashkësinë Islame të Kosovës ku iu uroi festën e Fitër Bajramit të gjithë qytetarëve të Kosovës.
“Patëm nderin t’ju urojmë Fitër Bajramin, kreut të Bashkësisë Islame të Kosovës, myftiut Naim Tërrnava dhe gjithë kolegëve të tij. Ishte një takim i ngrohtë që përcolli mesazhe bashkimi dhe harmonie. Uroj që kjo festë të sjellë paqe dhe lumturi për të gjithë”, ka thënë Rama.
Me rastin e festës së Fitër Bajramit, Bashkësinë Islame të Kosovës kanë vizituar krerët e lartë shtetërorë, përfaqësues të partive politike dhe drejtues të tjerë të institucioneve vendore e ndërkombëtare që veprojnë në vendin tonë./teve1.info/
