Kryeministri i Shqipërisë, Edi Rama, ka refuzuar të flasë për gazetarët pas takimeve që ka mbajtur në Prishtinë me presidenten e Kosovës, Vjosa Osmani dhe kryeparlamentarin, Glauk Konjufca.
Rama pas takimit me Konjufcën, tha se nuk ka homologun e tij kosovar, prandaj nuk ka si të dalë në konferencë.
“S’kam homologun, nuk mbajmë dot konferencë”, tha Rama.
Kujtojmë se kryeministri i Kosovës, Albin Kurti ka refuzuar takimin me Ramën, pasi ky i fundit ka anuluar mbledhjen e përbashkët të dy qeverive të paraparë për muajin qershor.
Në anën tjetër, për dallim nga Kurti, Ramën e ka pritur në takim sot edhe presidentja Vjosa Osmani.
Kryeministri shqiptar, Edi Rama ndodhet në Prishtinë, në turin e tij në vendet e rajonit për përgatitjet rreth Samitit të Procesit të Berlinit, i cili do të organizohet në muajin tetor në Tiranë.
