Kryetari i Prishtinës, Përparim Rama, ka bërë të ditur se sot, zyrtarja e komunës, arkitektja Merita Mihovci, ka vdekur.
Rama, ka thënë se Merita ishte anëtare e çmuar e Drejtorisë së Investimeve Kapitale në kryeqytet.
“Kontributi i saj në Kryeqytet në projekte të panumërta publike, dhe përkushtimi i saj ndaj shërbimit publik, do të na mungojë të gjithëve. Qëndrimi i saj pozitiv, gatishmëria për të ndihmuar dhe buzëqeshja e saj do të na mungojnë të gjithëve”, ka shkruar Rama në Facebook.
I pari i Prishtinës i ka shprehur ngushëllime familjes, dhe të gjithë atyre që e njohën dhe e donin Meritën.
“I shprehim ngushëllimet tona më të thella e të sinqerta familjes, e të gjithë atyre që e njohën dhe e donin Meritën”. /teve1.info/
