Kryetari i Prishtinës, Perparim Rama ka njoftuar se Komuna e Prishtinës ka shpallur gjendje të jashtëzakonshme për shkak të mbeturinave.
Sipas Ramës ky hap është i domosdoshëm për të marrë masat e nevojshme që situata të vihet nën kontroll.
“Për këto arsye, si institucion përgjegjës për mirëqenien e qytetarëve të kryeqytetit, jemi të detyruar të shpallim sërish gjendjen e jashtëzakonshme. Ky hap është i domosdoshëm për të marrë masat e nevojshme që situata të vihet nën kontroll, duke garantuar pastërtinë dhe shërbimet bazike për qytetarët e Prishtinës.
Ai në një konferencë për media ka thënë se pasi kompania “Pastrimi” nuk ka pasur kapacitet ta bëjë menaxhimin e mbeturinave kanë angazhuar kompani private.
“Kemi angazhuar kompani private për menaxhim sepse “Pastrimi” s’ka pas kapacitet ta bëjë menaxhimin e mbeturinave. Prej që ka ardhur, (Bekim v.j.) Brestovci gjendja është përmirësuar. Por, dikujt si duket i ka penguar, LVV-ja dhe PDK-ja me rregullore e kanë ndaluar. Gjendja kësisoj po përkeqësohet, gjendjen emergjente që e kemi shpallë do ta vazhdojmë edhe tash”, ka thënë ai.
Për këto arsye, si institucion përgjegjës për mirëqenien e qytetarëve të kryeqytetit, jemi të detyruar të shpallim sërish gjendjen e jashtëzakonshme. Ky hap është i domosdoshëm për të marrë masat e nevojshme që situata të vihet nën kontroll, duke garantuar pastërtinë dhe shërbimet bazike për qytetarët e Prishtinës.
Punëtorët e pastrimit kishin protestuar dhe bojkotuar punën për shkak të angazhimit nga komuna të kompanive private.
Ndërsa komuna kishte fajësuar kompaninë pastrimi për mos përmbushje të obligimeve në menaxhimin e mbeturinave./teve1.info/
