Kryeministri i Shqipërisë, njëherit kryetar i Partisë Socialiste, Edi Rama mohoi se do të ketë ndryshime në kabinetin qeveritar. Pas mbledhjes së kryesisë së partisë, Rama tha se nuk ka arsye për ndryshime.
“Jo ndryshime në kabinet nuk ka arsye që të ketë. Ne sot kemi bërë këtë mbledhje që ka pasur në qendër të vëmendjes kongresin e Partisë Socialiste, i cili do të mbahet së shpejti, agjendën e kongresit, temat e kongresit, formën e re që do të ketë kongresi, statutin e ri të Partisë Socialiste dhe kemi folur edhe për vazhdimin e procesit të mbledhjes së opinioneve konfidenciale të të gjithë përfaqësuesve të grupit parlamentar e të kryesisë, jo për një votim të fshehtë por për një dhënie opinionesh për kandidatin apo kandidaten për president të Republikës”, tha Rama.
I pyetur nëse do të bashkëpunojë me Sali Berishën për emrin e presidentit të ri, Rama u përgjigj duke thënë “unë flas për të gjallët, ju flisni për të vdekurit”/ KP.
