Kryetari i Prishtinës, Përparim Rama ka reaguar për incidentin që ka ndodhur sot para objektit të Komunës së Prishtinës pas mbledhjes për buxhetin komunal.
I pari i Prishtinës ka thënë se kjo dhunë është e papranueshme dhe e dënueshme.
Derisa, ai ka shtuar se institucionet publike duhet të kenë hapësira të dialogut e bashkëpunimit, e jo përplasje.
Ai ka ftuar organet e drejtësisë që ta trajtojnë rastin me përgjegjësi.
“Dhuna që ka ndodhur sot para objektit të Komunës së Prishtinës është plotësisht e papranueshme dhe e dënueshme. Institucionet publike duhet të mbesin hapësira të dialogut e bashkëpunimit, jo të përplasjeve. Ne presim që organet e drejtësisë ta trajtojnë rastin me përgjegjësi”, thuhet në reagimin e Ramës.
Ndryshe, një incident ka ndodhur të mërkurën pas dështimit të seancës në asamblenë e Komunës së Prishtinës.
U raportua se në këtë incident u sulmua kryesuesi i Kuvendit Komunal, Fehmi Kupina.
Kupina sipas këtyre burimeve është duke marrë trajtim mjekësor./teve1.info/
Tre të shoqëruar në Polici për incidentin pas mbledhjes për buxhetin në Prishtinë
