Kryeministri i Shqipërisë, Edi Rama i ka paraqitur sot presidentit Bajram Begaj propozimin për emërimin e Vlora Hysenit si drejtoreshë e Shërbimit Informativ Shtetëror.
Rama përmes një postimi në Facebook, tha se Hyseni ka eksperiencën dhe përgatitjen e duhur për këtë pozitë.
“Sot i paraqita Presidentit të Republikës propozimin për emërimin e Znj.VLORA HYSENI drejtore e Shërbimit Informativ të Shtetit, me besimin e plotë se përgatitja e spikatur, eksperienca e krijuar në vite dhe respekti që zonja Hyseni gëzon në komunitetin ndërkombëtar të inteligjencës, përbëjnë një garanci të plotë për reformimin e mëtejshëm të shërbimit inteligjent shqiptar”, ka shkruar ai.
Vlora Hyseni ka mbajtur postin e zëvendësdrejtoreshës së Agjencisë së Kosovës për Inteligjencë (AKI) por edhe drejtimin e saj për një periudhë të shkurtër për shkak të largimit të drejtorit të mëparshëm, Kreshnik Gashi. /Teve1.info/
