Gjatë tri ditëve, 15 organizata do të mbajnë aktivitete që kontribuojnë në promovimin dhe fuqizimin e vajzave dhe grave në Teknologji Informative.
Kryetari i Prishtinës Përparim Rama tha se vajza në TIK sot do të merret si një mundësi për fuqizimin e gruas.
Ai tutje ka shtuar se kryeqyteti do të jetë bazë e mirëfilltë për fuqizimin e gruas, derisa premtoi përkrahje për gratë që merren me këtë industri.
“Vetëm 13 për qind të bizneseve janë të regjistruara nga gratë. Sot këtu Vajza në Tik2022 ta marrim s’i platformë e fuqizimit të gruas. Platforma ku nëpërmjet kryeqytetit t’i përkrahim për fuqizimin e gruas. Është zhvilluar si një industri e fuqishme e që pikat kyçe të kësaj që nuk njeh kufi. Prishtina mund të lidhet nëpërmjet aspektit virtual me gjithë botën por edhe të krijojë vende të mirëfillta të punës. Po punojmë shumë që Komuna e Prishtinës të jetë bazë e mirëfilltë për përkrahjen e grave”, u shpreh Rama.
Ai ndër të tjera tha se transformimi i Prishtinës në një qytet digjital është synimi i tij në këtë mandat katër vjeçar.
“Ne si kryeqytet kemi një program 4 vjeçar në transformimin e hapësirave të ndryshme, si pallatin e rinisë shembull , që ti ndihmojmë rinisë dhe në fokus vajzave. Ta transformojmë Prishtinën në një qytet digjital ky është synimi ynë dhe i juaji. Si edicion i parë të jetë fillimi i fuqizimit jo vetëm i vajzave në TIK por i gruas në kryeqytet dhe në Kosovë”, tha ai/EO
