Kryetari i Prishtinës, Përparim Rama ka njoftuar se janë duke u liruar banesat komunale që për vite me radhë sipas tij, janë shfrytëzuar në mënyrë të paligjshme, pa kontrata dhe pa bazë ligjore.
I pari i Prishtinës ka thënë se prona publike nuk mund të uzurpohet e as të trajtohet si pronë private.
Ai ka theksuar se komuna do të vazhdojë të veprojë pa kompromis ndaj çdo uzurpimi të pronës komunale.
“Po vazhdojmë me vendosmëri lirimin e banesave komunale që për vite me radhë janë shfrytëzuar në mënyrë të paligjshme, pa kontrata dhe pa bazë ligjore.Prona publike nuk mund të uzurpohet e as të trajtohet si pronë private. Detyrimi ynë është ta mbrojmë, ta kthejmë në funksion të ligjit dhe ta menaxhojmë me përgjegjësi e transparencë.Kryeqyteti do të vazhdojë të veprojë pa kompromis ndaj çdo uzurpimi të pronës komunale!”, ka thënë Rama./teve1.info/
