Njoftimin, Rama e bëri në rrjetet sociale, ku publikoi edhe foton ku u firmos marrëveshja nga zv.ministrja e Jashtme, Megi Fino dhe zyrtari kinez.
“Pas 30 ditësh Kina hapet pa viza për shqiptarët”, shkroi Rama.
Disa javë më parë, Shqipëria dhe Kina vendosën për heqjen reciproke të vizave për zyrtarët shtetërorë të të dyja vendeve.
Vendimi është miratuar në parim nga Këshilli i Ministrave, si propozim i Ministrisë për Punët e Jashtme.
Pas këtij vendimi, zyrtarët e Shqipërisë dhe Kinës do të mund të lëvizin lirshëm në çdo periudhë të vitit, pa patur nevojën e një vize.
Edhe pse Shqipëria ka qëndruar larg investimeve kineze, marrëdhëniet politike mes dy shteteve kanë ruajtur ecuri pozitive.