Seanca parlamentare e së enjtes nisi me debate, teksa deputetët e opozitës bllokuan foltoren. Ata kërkonin mocion me debat me Kryeministrin për çështjen “McGonigal”, por kjo kërkesë u rrëzua.
Një tjetër kërkesë e tyre ishte edhe që procesverbali i seancës së javës së kaluar të mos miratohet.
Por mazhoranca vazhdoi me pikat e rendit të ditës, ku pika e 1 ishte interpelanca që deputeti demokrat Gazment Bardhi kishte kërkuar me Kryeministrin Rama për “McGonigal”. Për këtë interpelancë, Rama nuk ishte i pranishëm dhe kishte deleguar ministren Elisa Spiropali. Por deputeti Bardhi nuk e pranoi interpelancën në mungesë të Kryeministrit. Interpelanca nuk u zhvillua, ndërsa deputeti Bardhi u përjashtua nga seanca pas gjuhës së përdorur në shenjë revolte.
Opozita mbajti të bllokuar foltoren deri në përfundim të seancës, teksa mazhoranca votoi pr/ligjet duke anashkaluar pjesën e diskutimeve./teve1.info/