Pensionistët do të marrin vitin e ardhshëm 100 milionë euro shtesë, përveç indeksimit në Shqipëri.
Në një videomesazh, nga marrja e progres raportit të Komisionit Evropian për Shqipërinë dhe konferencës për shtyp me ambasadorin e BE-së, Silvio Gonzato, kryeministri i Shqipërisë, Edi Rama thekson se pjesën e luanit në projektbuxhetin 2026, që sapo ka shkuar në parlament e zënë pensionistët, për të cilët viti i ardhshëm nisi me 100 milionë euro shtesë përveç indeksimit.
“Padyshim që pjesën e luanit të buxhetit 2026 e zënë pensionistët për të cilët e nisim vitin e ardhëm me 100 mln euro shtesë, përveç indeksimit, në 2027 e dyfishojmë 200 mln euro plus indeksimi, 45 mln euro. Në 2028 e trefishojmë 300 mln euro plus indeksimi, 46 mln euro. Në 2019, e katërfishojmë 400 mln euro, plus indeksimi. 47 milionë euro Dhe në 20230 e pesëfishojmë, 500 mln euro, plus indeksimi 48 mln euro. Pra janë miliardë më shumë që pensionistët do të marrin mbrapsht për mandatin tone”, theksoi Rama.
Ai po ashtu theksoi se nga 1 janari i vitit të ardhshëm paga minimale do të shkojë në 500 euro, ndërsa deri në fund të mandatit do rritet në 700 euro.
“Por nga janari do rritet edhe paga minimale, të cilën do marrin shumën e premtuar 500 euro. Paga minimale do të arrijë 700 euro. Do të subvencionojmë për një një periudhë 9-mujore me 90 mln euro edhe shtesën e kostos së sigurimeve në sektorin privat. Ne themi atë që bëjmë dhe bëjmë atë që themi. Ato 83 mandate që ju na dhatë, janë 83 arsye më shume sesa deri dje për të mos fjetur gjumë,. Për të punuar pa pushim dhe për t’ju kthyer me gjithë pasionin të gjithë atë që ju na dhatë me besim të jashtëzakonshëm”, tha Rama në një videomesazh në Facebook.
Projektbuxheti për vitin 2026 në Shqipëri, konsiderohet më i madhi në historinë e Shqipërisë, pritet të kap vlerën e 9 miliardë eurove ose rreth 1 miliard euro më shumë se në 2025.
