Kryeministri i Shqipërisë, Edi Rama, gjatë vizitës së tij në Beograd ka thënë se vonimi i themelimit të Asociacionit të komunave me shumicë serbe në Kosovë është gabim strategjik.
Në një konferencë për media në Beograd me presidentin serb, Aleksandar Vuçiq, Rama është shprehur se propozimi i tij i draftit për Asociacionin është një kontribut që ka dhënë dhe shumë pozitiv, por siç ka thënë domosdoshmërisht duhet të pranohet nga palët.
“Propozimi për draft-statutin për Asociacionin është një kontribut që kam dhënë dhe është shumë pozitiv, por nuk është diçka që duhet ta pranojnë domosdoshmërisht dy palët dhe as nuk është marrë në konsideratë nga asnjëra palë. Më vjen keq që disa nuk duan të kuptojnë se ky ishte një kontribut për Kosovën”, ka thënë ai.
“Nuk jam konsultuar me presidentin e Serbisë për këtë. Mendoj se vonimi i themelimit të Asociacionit është një gabim strategjik. Gjithashtu, mendoj se insistimi për të qëndruar në ndërtesat komunale është gjithashtu një gabim”, ka thënë kryeministri shqiptar.
