Kryeministri i Shqipërisë, Edi Rama ka takuar sekretarin e Përgjithshëm të NATO-s, Mark Rutte.
Ai ka thënë se në këtë takim është diskutuar edhe për investimin madhor për Portin e Ri të Durrësit, ku NATO do të angazhohet për terminalin ushtarak.
Takimi është zhvilluar në margjina të samitit të NATO-s.
“Kënaqësi të takoja Sekretarin e Përgjithshëm të NATO-s dhe mikun e çmuar, Mark Rutte, me të cilin folëm për angazhimet e Samitit, Ballkanin Perëndimor, investimin madhor për Portin e Ri të Durrësit, ku NATO do të angazhohet për terminalin ushtarak, e po ashtu edhe për përgatitjet e Samitit 2027 në Tiranë”, ka shkruar Rama.
