Kryetari i Prishtinës, Përparim Rama, ka deklaruar se nuk ka ambicie për poste të tjera dhe se fokusi i tij mbetet kryeqyteti. I pyetur nëse do të merrte postin e kryetarit të partisë në rast se Lumir Abdixhiku bëhet president, Rama tha se mandati i tij katërvjeçar është në shërbim të qytetarëve të Prishtinës.
Perparim Rama tha se fokusi i tij mbetet kryeqyteti, megjithëse tha se është i gatshëm të ndihmojë kur të ketë nevojë.
“Unë e kam cek këtë çështje edhe më përpara, që unë jam kryetar i kryeqytetit kam një mandat 4-vjeçar, ku kemi njerëz të mrekullueshëm brenda partisë, të cilët munden me i çu proceset përpara, prandaj nuk ma merr mendja që kanë nevojë për mua. Mirëpo, po them, unë jam këtu për kryeqytetin për qytetarët e kryeqytetit, prandaj do të jem aty në ndihmë çfarëdo ndihme që ka me pas nevojë. Mirëpo, fokusi im është kryeqyteti”, tha ai.
Rama ka përsëritur se angazhimi i tij mbetet i përqendruar në drejtimin e Prishtinës dhe përmbushjen e mandatit ndaj qytetarëve.
