Përmes një postimi në Facebook, Rama u shpreh se me hyrjen e forcave të NATO-s, u hap një epokë e re për shqiptarët e Kosovës.
“Si sot 23 vjet më parë, me hyrjen forcave të NATO-s u hap një epokë e re për shqiptarët e Kosovës’, shkroi Rama, teksa publikoi edhe disa fotografi nga pritja e ushtarakëve të KFOR-it, në këtë ditë.
Trupat paqeruajtëse të NATO-s hynë në Kosovë pas fushatës ajrore të Aleancës së Veri-Atlantikut kundër caqeve serbe në Kosovë dhe Serbi, që zgjati 78 ditë.
23 vjet më parë në Kosovë u vendosën 50 mijë ushtarë të NATO-s dhe bashkë me ta edhe administrata e përkohshme e Kombeve të Bashkuara.
