Kryetari i Prishtinës, Përparim Rama ka deklaruar se mbështet marshin e nesërm në solidarizim me ish-krerët e UÇK-së që po gjykohen në Hagë.
Ai është shprehur se lufta e UÇK-së ishte e drejtë, prandaj duhet të marshohet.
“Me besimin e thellë se lufta e UÇK-së ishte luftë e drejtë e lindur nga populli, marshojmë edhe që t’i rikujtojmë publikut vendas dhe atij ndërkombëtar se shumica dërrmuese e krimeve çnjerëzore të kryera gjatë kohës së luftës nga aparaturat shtetëtore e paramilitare të Serbisë mbi popullsinë civile të Kosovës mbeten të pandëshkuara, e rrjedhimisht përqindja më e madhe e kryesve të atyre krimeve padrejtësisht të lirë. Prandaj, nesër #MarshojmëPërDrejtësi për viktimat e luftës!”, ka shkruar ai në Facebook.
