Kryeministri i Shqipërisë, Edi Rama, ka arritur në Beograd, ku është pritur nga presidenti serb Aleksandër Vuçiq, pas vizitës që pati në Podgoricë ku u prit nga kryeministri në detyrë, Dritan Abazoviq dhe presidenti Jakov Milatoviq.
Pas takimit me Vuçiqin, Rama në Facebook ka shkruar: “Beograd – Takim me Presidentin e Republikës së Serbisë, Aleksandar Vuçiqin”.
Pasditen e sotme Rama ishte në Podgoricë, më herët në Sarajevë. Një ditë më parë, Rama vizitoi Shkupin dhe Prishtinën.
Në Prishtinë, Rama u prit në takim nga presidentja e Kosovës, ndërsa takimi i Ramës me kryeministrin e Kosovës, Albin Kurti, nuk ndodhi për shkak se ky i fundit refuzoi.
Turneu i Ramës përfundon me vizitën në Serbi, ku do të takohet me kryeministrin serb, Aleksandçr Vuçiç. Në agjendën e kryeministrit shqiptar është paralajmëruar se bashkë me Vuçiçin, do të mbajnë një konferencë të përbashkët për media.
