Kryetari i Komunës së Prishtinës, Përparim Rama ka reaguar ndaj përurimit të një projekti rrugor në kryeqytet, duke e akuzuar Qeverinë për, siç tha ai, përvetësim të projekteve që nuk janë kompetencë e saj ekskluzive.
Rama ka deklaruar se projekti në fjalë është një rrugë lokale, e cila sipas tij menaxhohet dhe kontraktohet nga Komuna e Prishtinës në bashkëpunim me operatorin ekonomik, ndërsa Qeveria ka rol bashkëfinancues.
Ai ka theksuar se financimi i projektit është i ndarë mes Komunës së Prishtinës dhe Ministrisë përkatëse, ku Komuna ka kontributin më të madh financiar./teve1.info/
