Kryeministri i Shqipërisë, Edi Rama duke folur për arsyet e anulimit të mbledhjes së dy qeverive e që lidhet me situatën aktuale në veri të Kosovës dhe reagimin e ndërkombëtarëve, ka thënë se kjo nuk situatë nuk është halli vetëm i Kosovës por i gjithë kombit shqiptar.
Ai në konferencën për media tha se kombi shqiptarë rrezikon të dalë në një “dritë jo të mirë”
“Halli është i Kosovës por është edhe i kombit shqiptarë, që rrezikon të dalë një dritë jo të mirë në sytë e atyre që e kanë bërë këtë komb i cili është në ditët më të mira të tij qindra vjeçare. Halli nuk është i kryeministrit por i gjithë shqiptarëve”, ka thënë Rama, përcjell teve1.info.
Ai ka thënë se Kosova rrezikon të humb besimin dhe mbështetjen e ndërkombëtarëve dhe kjo sipas tij nuk vlen vetëm për Kurtin.
“Besimi dhe mbështetja ndaj Kosovës nuk do të jenë më siç ka qenë, dhe kjo nuk do të vlejë vetëm për kryeministrin e Kosovës, Albin Kurti por edhe për të tjerët, sepse kështu funksionojnë fuqitë e mëdha”, tha Rama.
Ai tha se anulimi i mbledhjes nuk ka të bëjë me deklaratën që Kurti bëri sot duke folur për propozimin e draftit të statutit të Asociacionit që ka propozuar Edi Rama.
Rama tha se Kurti ka të drejtë të thotë atë çfarë e mendon dhe që sipas tij ai është i sinqertë në atë çfarë thotë.
Ai tha se ka kërkuar takim me Kurtin dhe se beson se do të ndodhë një takim i tillë./teve1.info/
