Kryeministri i Shqipërisë, Edi Rama, konfirmoi që nuk do të mbahet mbledhja e përbashkët me Qeverinë e Kosovës, të mërkurën më 14 korrik, në Gjakovë.
Rama bëri të ditur se ka kërkuar nga kryeministri, Albin Kurti, që mbledhja e nesërme në Gjakovë, të mbahet në një format më të ngushtë, pasi sipas siç tha ai, në këto kushte të agravimit të situatës, është e pamundur të mbahet takimi mes dy qeverive.
“E kam informuar Kurtin se në kushtet e agravimit, me orë të marrëdhënieve të Kosovës me të gjitha Bashkësinë Euroatlanike, ky takim nuk mund të mbahet në formatin e parashikuar. Pasi kam folur pasdite me Shefin e Diplomacisë Evropiane, Joseph Borrell, i kam kërkuar Kurtit për tu takuar nesër në Gjakovë në një format më të ngushtë, përkatësisht me ministrat e jashtëm të mbrojtjes, për të diskutuar për këtë situatë, e cila po e qan në mënyrë dramatike Kosovën me Bashkësinë Euroatlanike. Në një pikë të pa imagjinueshme, ku kjo e fundit ka vënë gishtin në butonin që do të vë në lëvizje planin e sanksioneve, ndaj shtetit që e ka krijuar vetë”, deklaroi Rama në një konferencë për media.
Madje, Rama vlerësoi që Kosova është në prag për të vënë në lëvizje planin e sanksioneve, derisa shtoi që Bashkësisë Euroatlantike është duke iu sosur durimi, përcjell teve1.info.
“Me shumë keqardhje duhet të them që nuk patëm dakordësi me kryeministrin Kurti për një ndryshim të formatit. Nuk është një moment për të krijuar një pasqyrë të rreme të asaj që në fakt ndodhë me realitetin e Kosovës sot. Mbase nuk është një përgjigje përfundimtare nga kryeministri, unë shpresoj shumë që të takohemi për të ballafaquar opinionet, ku jemi në prag për të vënë në lëvizje planin e sanksioneve, të masave shtrënguese ndaj një shteti që është krijuar nga ata të cilët qartësisht janë në kushte të sosjes së durimit”, shtoi tutje kryeministri.
Njëherit, Rama tha se ka frikë që do vihet në lëvizje një plan shumë i rëndë për Kosovën, në qoftë se nuk merren hapa të menjëhershëm.
“Kam bërë një përpjekje për të iu kërkuar pak kohë, e kam marrë pak kohë, por nëse nuk e shfrytëzojmë këtë kohë për një sens të përbashkët, atëherë kam shumë frikë, që një plan shumë i rëndë për Kosovën, do të vihet në lëvizje”, theksoi Rama./teve1.info/.
