Kryetari i Prishtinës, Përparim Rama, ka bërë të ditur se është afër të formohet policia e kryeqytetit.
Rama tha se ky do të jetë një hap shumë i rëndësishëm për të rritur sigurinë dhe mirëqenien e Prishtinës.
“Jemi në rrugë të mbarë për të finalizuar procedurat për Strukturimin e Policisë së Kryeqytetit, një hap tepër i rëndësishëm për të rritur sigurinë dhe mirëqenien në qytetin tonë. Sot, në një takim me udhëheqësit kryesorë të Policisë së Republikës së Kosovës, Drejtorin e Përgjithshëm, Gazmend Hoxha, Drejtorin e Policisë për Rajonin e Prishtinës, Basri Shabani dhe Drejtorin e Departamentit të Operacioneve në Polici, Arbnesh Ajvazin, diskutuam detajet për organizimin e drejtorisë së re e cila do të funksionojë në kuadër të Drejtorisë Rajonale të Policisë në Prishtinë”, ka shkruar ai në Facebook.
