Këshilli i Sigurimit i OKB-së caktoi një takim urgjent të enjten për të diskutuar protestat vdekjeprurëse të Iranit me kërkesë të Shteteve të Bashkuara.
Teherani duket se bëri deklarata pajtuese në një përpjekje për të qetësuar situatën pasi Trump kërcënoi të ndërmerrte veprime për të ndaluar vrasjet e mëtejshme të protestuesve.
Agjencia e Lajmeve të Aktivistëve të të Drejtave të Njeriut me seli në SHBA ka raportuar për numër të madh të viktimave, por të dhëna zyrtare ende nuk ka.
Protestat raportohen se janë qetësuar të enjten, teksa Irani hapi edhe hapësirën ajrore për fluturime.
Në një deklaratë të përbashkët, ministrat e jashtëm të Kanadasë, Francës, Gjermanisë, Italisë, Japonisë, Mbretërisë së Bashkuar, Shteteve të Bashkuara dhe shefi kryesor i politikës së jashtme të Bashkimit Evropian thanë se anëtarët e G7 ishin “thellësisht të shqetësuar” dhe se dënojnë ashpër shtypjen e protestave.
