Kryeministri i Shqipërisë, Edi Rama, ka thënë se është i befasuar me mosreagimin e Bashkimit Evropian, ndaj deklaratave të presidentit të ashtuquajturës Republika Sërpska, Milorad Dodik.
Rama ka thënë se kanë kaluar tri ditë dhe nuk ka pasur reagim nga BE-ja.
“Kanë kaluar tri ditë që nga deklaratat e rrezikshme dhe nxitëse të bëra kundër Bosnjë-Hercegovinës, Kosovës dhe Malit të Zi. Më duhet ta pranoj, jam i befasuar me mungesën e reagimit të deritashëm të partnerëve tanë të BE-së, dhe sinqerisht shpresoj që kjo heshtje do të thyhet sa më shpejt të jetë e mundur!” – ka shkruar Rama në platformën “X”.
Dodik të shtunën tha se në këtë shekull serbët duhet ta kenë një shtet të vetëm të përbërë nga Serbia, Republika Sërpska, e po ashtu Mali i Zi e Kosova.
Three days have passed since the dangerous and inflammatory remarks were made against Bosnia and Herzegovina, Kosova, and Montenegro. I must confess, I am surprised by the lack of reaction from our EU partners so far, and I sincerely hope that this silence will be broken as soon…
— Edi Rama (@ediramaal) October 31, 2023