Ai ka thënë se para disa viteve një ngjarje e tillë të mbahet në Tiranë nuk ka qenë e paramenduar, por siç thotë ai sot Tirana është një kryeqytet i një vendi të respektuar në politikën ndërkombëtare.
Rama përmes një postimi në Facebook ka thënë se samiti i cili do të mbahet në Tiranë më 6 dhjetor është ngjarje historike.
“Për historinë e marrëdhënieve ndërkombëtare të Shqipërisë kjo është një ngjarje absolutisht historike. Për Tiranën kjo është ngjarja më e madhe ndërkombëtare e historisë së saj. Për vitin 2022 që po shkon drejt përfundimit, kjo ngjarje është qershia mbi tortë pas kulmit të bukur të Finales së UEFA Conference League shtëpinë e kuqezinjve. Ndërsa për mua dhe qeverinë shqiptare, organizimi në Tiranë i një samiti të liderëve të Bashkimit Europian&Ballkanit Perëndimor është fruti më i bukur, i përpjekjes për afirmimin e Shqipërisë, si një zë i respektuar dhe anëtar dinjitoz i bashkësisë ndërkombëtare”, ka shkruar Rama.
Charles Michel të dielën ka njoftuar për mbajtjen e këtij samiti në Tiranë, duke thënë se më këtë atë po tregojnë se Ballkani Perëndimor është prioritet kryesor i BE-së./teve1.info/
https://teve1.info/rajonibota/tirana-nikoqire-e-samitit-te-be-se-per-ballkanin-perendimor/
