Kryetari i rizgjedhur i Prishtinës, Përparim Rama, ka njoftuar sot se ka dorëzuar një kallëzim penal në Prokurori ndaj ministrit në detyrë të Financave, Hekuran Murati.
Lajmin e ka bërë publik vetë Rama përmes një postimi, ku ka kritikuar qasjen e ministrit dhe qeverisë në raport me institucionet e drejtësisë dhe me komunën e Prishtinës.
Rama tha se pret që Murati t’i përgjigjet Prokurorisë “më përgjegjshëm”, duke e krahasuar situatën me, siç pretendon ai, mospërgjigjen e kryeministrit në detyrë Albin Kurti ndaj thirrjeve të organeve të drejtësisë.
Rama theksoi se Komuna do të përdorë “të gjitha mjetet ligjore” për të mbrojtur të drejtat e punëtorëve dhe qytetarëve të Prishtinës.
