Kryeministri i Shqipëri, Edi Rama ka thënë se Bashkimi Evropian ka nevojë për Ballkanin Perëndimor, aq sa ka nevojë kjo pjesë e rajonit për BE-në.
Rama këto komente i ka bërë në konferencën e përbashkët me kryeministrin e Maqedonisë së Veriut, Dimitar Kovačevski pas takimit ku u diskutua për përgatitjen rreth Procesit të Berlinit që do të mbahet në Tiranë.
“BE ka nevojë për ne, sa kemi nevojë ne për Bashkimin Evropian”, tha Rama.
Ai tha se në këtë takim folën edhe për angazhimin dhe dakoordimin si anëtare të NATO-s, që të jenë edhe zëri i vendeve të rajonit që nuk janë në NATO.
“Biseduam edhe për Samitin e NATO-s. Jemi tre anëtare të NATO-së në një rajon që nuk është i qetë dhe kemi nevojë të jemi së bashku duke u shkëmbyer me njëri me tjetrin por edhe të dëgjuar edhe ata që s’janë e që të jemi edhe zëri i tyre”, tha Rama.
Sa i përket Procesit të Berlinit, Rama tha se pret që të ketë disa përparime konkrete.
“Shqipëria do mirëpres samitit e Procesit të Berlinit në Tiranë dhe qëllimi im është që ky samit të shënojë disa përparime konkrete të prekshme dhe domethënëse për të cilat po punojë me kancelarinë në Berlin dhe me Komisionin në Brukesl”, tha Rama.
