Rakiq ka thënë se i ka përcjellë ambasadorit Hovenier se populli serb në Kosovë nuk do të pësojë presion për realizimin e të drejtave elementare dhe se të gjitha ngjarjet dhe e gjithë kriza e ndodhur ditëve të kaluara mund të zgjidhen përmes dialogut, me respekt të plotë për nevojat bazë, shkruan Kosovoonline, transmeton teve1.info
“Në vend që sot të formohet Asociacioni i Komunave Serbe, i cili është dashur të formohet me marrëveshjen e Brukselit nëntë vjet më parë dhe problemet që i kemi zgjidhur përmes mekanizmave të tij, ne ende kërkojmë formimin e tij, gjë që është e papranueshme”, ka thënë Rakiq.
Ai shton se “ministria do të jetë një partner konstruktiv në marrjen e vendimeve të mira për popullin e Kosovës dhe për pozitën më të mirë të të gjitha komuniteteve, por edhe një kundërshtare e ashpër e gjithçkaje që mund të kërcënojë pozitën që kemi, e cila sot nuk është aspak e lakmueshme”.
Në fund të takimit, ministri Rakiq ka theksuar se vetëm vullneti i sinqertë i të gjitha palëve mund ta kalojë krizën që ekziston sot dhe se lëvizjet e njëanshme nuk mund të çojnë në zgjidhjen e problemeve. /Teve1.info/
