I ftuar në emisionin “Ditari” në Tëvë 1, Koci u shpreh se Putin para ndërhyrjes në Ukrainë bëri një paralajmërim të rrezikshëm për të gjitha vendet që do të ndërlikoheshin.
“Është një vendim i paralajmëruar më herët në vitin 2008, ku Putin tha se shpërbërja e ish-Bashkimit Sovjetik paraqet katastrofën më të madhe gjeopolitike dhe mbi këtë qëndrim ai ka artikuluar, ka vazhduar të veprojë por duket se nuk është marrë shumë seriozisht nga Evropa Perëndimore dhe Shtetet e Bashkuara. Sot bëri një paralajamërim më të rrezikshëm pak para ndërhyrjes tha se nëse tjerët do të ndërhyjnë do të kenë pasoja që nuk i kanë pasur gjatë historisë”, deklaroi ai.
Po ashtu, ai thotë se për momentin NATO nuk mund të ndërhyjë në Ukrainë me forca ushtarake, pasi që do të paraqiste rrezik për paqen në Evropë.
“Mjerisht kërcënimi që Putin e bëri sot në raport me vendet që eventualisht do të ndërlikoheshin jo në aspektin ushtarak sepse në këtë çast është e pamundur ndërhyrja e NATRO-s, sepse Ukraina nuk është anëtare e NATO-s dhe ndërhyrja eventuale ushtarake e NATO-s dhe ndonjërës prej vendeve anëtare do të rrezikonte paqen në Evropë, prandaj kemi veprime të kujdesshme të BE-së”, shtoi ai/teve1.info/
