Këtë e ka bërë të ditur ministri i Jashtëm i Ukrainës, Dmytro Kuleba përmes një postimi në Twitter.
Kuleba ka thënë se gjatë një bisede që ka zhvilluar me homologun e tij francez, Jean-Yves Le Drian, ky i fundit ka thënë që Franca mbështet shkëputjen e Rusisë nga SWIFT.
“Bisedova me kolegun dhe mikun francez, Jean-Yves Le Drian. Franca mbështet shkëputjen e Rusisë nga SWIFT”, ka shkruar ai.
Ai ka kërkuar vendosjen e menjëhershme të paketës së tretë të sanksioneve të BE-së në ndalimin e pushtimit rus.
“Unë insistoj në vendosjen e menjëhershme të paketës së tretë të sanksioneve të BE-së për të ndaluar pushtimin rus. Franca është gjithashtu e gatshme të furnizojë armë dhe pajisje për të ndihmuar Ukrainën të mbrohet”, ka thënë Kuleba.
Theksojmë se sot presidenti ukrainas, Volodmyr Zelensky ka njoftuar se Italia përkrah largimin e Rusisë nga SWIFT. /teve1.info/
