Përmes një njoftimi në profilin e tij në Facebook, Latifi ka shkruar se me Zëvendësdrejtorin e Departamentit për Zhvillim Rajonal në Ministrinë e Zhvillimit Rajonal, Ylber Çitaku dhe Menaxherin e Programit të organizatës së Caritasit Zviceran, Kreshnik Basha, ka nënshkruar dy marrëveshje të rëndësishme bashkëpunimi për komunën që e drejton.
“Marrëveshja e parë e bashkëpunimit ka të bëj me edukimin mjedisor, përmes fillimit të zbatimit të projektit “Ndikimi i Rinisë në Mjedis” (YENI). Përmes këtij projekti, Caritasi Zviceran në bashkëpunim me Ministrinë e Zhvillimit Rajonal (MZHR) ka synim të përmirësojë veprimin klimatik dhe mbrojtjen e mjedisit përmes angazhimit të të rinjve në shkollat e mesme dhe fuqizimin e rolit të të rinjve ndaj ndryshimeve klimatike dhe mbrojtjes së mjedisit”, ka shkruar Latifi.
Sipas tij, përmes këtij projekti të fituar nga komuna, në 3 Shkolla të Mesme të Larta do të themelohen Klubet ekologjike, klube këto që përbëhen kryesisht nga nxënësit dhe mësimdhënësit e bilologjisë/ekologjisë, t♪7 cilëve do t’u ofrohen module trajnuese, me qëllim të zhvillimit të kapaciteteve të tyre. Do t’u ofrohet mbështetje për përpilimin dhe realizimin e projekteve mjedisore në shkollat e tyre dhe mbështetje për përpilimin e planeve rinore në mbrojtjen e mjedisit dhe përfshirjen e tyre në Planin Lokal për Veprim në Mjedis.
Kurse, marrëveshja e dytë e bashkëpunimit ka të bëj me fillimin e zbatimit të projektit “Veprimi i Komunave për Riintegrim dhe Diasporë”.
Për secilin projekt nga 3 shkollat, Caritasi Zviceran do të sigurojë 90 për qind të mjeteve financiare, ndërsa Komuna e Rahovecit, përkatësisht Drejtoria Komunale e Arsimit, do të sigurojë 10 për qind.
Vlera e përgjithshme e secilit projekt është 4 mijë e 400 Euro, ndërsa për të 3 Shkollat e Mesme të Larta, vlera është 13 mijë e 200 Euro, ka shkruar ndër të tjera Smajl Latifi në Facebook.
