Skuadra e Rahovecit është shpallur për here të pare kampione e Kosovës në hendboll, kjo pasi mundi Besa Famgasin në finalen e dytë me rezultatin 24 – 29.
“Vreshtarët”, arritën ta ndalin dominimin 10-vjeçar të Besës, dhe kështu u shpallën kampion të edicionit 2023/24.
Te Rahoveci me lojë të mire u dallua portieri Ardi Luzha dhe aloja spanjolle Victor Alonso, ndërsa te Besa më efikasi ishte Ardit Tafilaj por që nuk arriti ta evitonte humbjen.
Në pjesën e pare shkëlqyen hendbollistët e Rahovecit, ku në disa qaste kishin epërsi deri në +10, ndërsa në pjesën e dytë vetëm e mbajtën rezultatin e krijuar nga e para.
Ky edicion për skuadrën pejane përfundoi pa asnjë trofe, ku Kupën e Kosovës e fitoi Kastrioti.