Me duelin Rahoveci 029 – Bashkimi, do të përfundojë xhiroja e 23-të e Superligës së Kosovës në basketboll.
Kjo përballje, luhet sot prej orës 19:30 në palestrën “Mizahir Isma” dhe pritet të jetë interesante për shkak se të dyja skuadrat synojnë fitoren.
Sigurisht, Bashkimi është favorit përball Rahovecit 029, ekip që renditet i fundit në tabelë me 29 pikë dhe xhiron e shkuar pësoi humbje në shtëpi nga Bora.
Në anën tjetër, Bashkimi kërkon fitoren e dytë rresht pasi kërkon ta mbajë pozitën e dytë në tabelë, të cilën aktualisht e mbanë me 27 pikë të mbledhura.
Të shtunën dhe të dielën, janë zhvilluar tri ndeshje të kësaj xhiroje, ku dy janë fituar nga ekipet vendase dhe një nga mysafirët.
Trepça ka mposhtur Vëllaznimin 73:39, Golden Eagle Ylli triumfoi 81:62 ndaj Pejës kurse Bora u mposht nga Prishtina me shifra 77:72.
