Ekspozohen mjetet dhe armët e Forcës së Sigurisë së Kosovës.
E përveç krerëve të shtetit, kazermën “Adem Jashari” e vizituan edhe qytetarë të të gjithë moshave. Ata u njohën rreth funksioneve e kapaciteteve të armëve dhe mjeteve të rënda që i posedon ushtria jonë.
Dyert e kazermës “Adem Jashari” u hapën për të gjithë qytetarët e Kosovës.
E brenda hapësirës, u ekspozuan mjetet e ndryshme të ushtrisë kosovare.
Para këtyre mjeteve të rënda të FSK-së, po qëndrojnë ushtarët e Forcës së Sigurisë së Kosovës.
Qytetarëve të shumtë, po ia tregojnë specifikat dhe kapacitetet e këtyre mjeteve.
Për ish veteranin e luftës, Gani Arifi kjo ditë është historike.
Ndërsa Gani Krasniqi tregon se sa të rëndësishme e ka shpjegimin e historisë për nipat dhe mbesat e tij në mërgim.
E krenar për këtë ushtri, shprehet qytetari Bajram Rexha.
Mirëpo, ata që dominuan për vizitë në këtë kazermë ishin fëmijët me mësimdhënësit e tyre nga të gjithë shkollat e vendit.
Secili prej tyre në duar mbante flamurin e Kosovës dhe atë të Shqipërisë.
Madje, disa të tjerë kishin edhe fotografi të Adem Jasharit.
Prezent ishte edhe emblema e Ushtrisë Çlirimtare të Kosovës.
Përmes këngëve dhe buzëqeshjes në fytyrë uronin ushtarët për ditën e tyre.
Mësimdhënësi Fitim Veliu, tregon se sa e rëndësishme është tregimi i historisë për nxënësit e tij.
Për “Ditën e Forcës”, kazermën “Adem Jashari” e vizituan edhe krerët e shtetit.
