Këtë veprim po e mirëpresin qytetarët
Nga komiteti lokal për siguri publike në Prishtinë thonë se rrënimet janë bërë më kërkesën e qytetarëve.
“I kanë paralajmëruar para dy jave d.m.th komuna e Prishtinës nuk është marrë drejtpërdrejti në dënime ose me i largu pa lajmërim. Këto rrënime që është duke i bërë komuna e Prishtinës po i bën me kërkesat dhe ankesat e qytetarëve. Aspak nuk i dëmton bizneset ky rrënim, besoj që e ka sjell një rend dhe një rregull ku edhe biznesi do ta dijë se ekziston një komunë, do vie një rend si për banorët dhe për bizneset”.
Ndërkaq qytetarët e vlerësuan vendimin e Drejtorisë së Inspekcionit.
“Është plotësisht me vend sepse mendoj se nuk duhet me pengu qytetarët që jetojnë këtu, çdo biznes duhet t’a ketë lejen e punës dhe të përshtatet më kushtet edhe për banorët”, thotë Rrahim Mani.
“Unë duke kaluar këtu i pashë por nëse janë pa leje duhet me marrë leje me i pyt banorët por nëse banorët ankohen duhet me u respektu ligji”, shprehet Drita Hoti
“ Veprimi inspektoratit është shumë i qëlluar, por sigurisht janë dëmtuar dhe bizneset”, thotë Drita Hoti
Ditë më parë drejtoria e Inspekcionit në komunën e Prishtinës kishte filluar me aksionin për lirimin e hapësirave publike, duke liruar edhe parkingun i cili gjendet pranë Kino Rinisë.
Kronika e realizuar nga Lendrina Kodrolli
