Deputeti i Lidhjes Demokratike të Kosovës (LDK), Anton Quni, thotë se deklaratat e liderëve për luftë kanë krijuar një dozë frike dhe tensioni te qytetarët, derisa shton se kjo është e pamundur të ndodhë.
Quni thotë se pavarësisht dëshirës së Serbisë, ajo nuk i ka kapacitetet për invadim klasik ushtarak.
“Po bëhen thjeshtë për të krijuar një dozë psikoze në masë, një dozë frike, një dozë të tensionit të qytetarëve pranë një rreziku të cilit po iu kanoska Kosovës, përkundër asaj që Serbia nuk i ka kapacitetet për një invadim klasik ushtarak, jo që nuk ka dëshirë – por, nuk i kanë mundësitë. Nuk munden tashmë me ushtru një punë me 25 mijë forca, prej 25 mijë forcave mundet me ndalë 1/3 që është e pamjaftueshme me kry një operacion të masave serioze”, tha ai në emisionin “Info Nata” në Tëvë1.
Ndërkohë, potencon se sulme të tilla si i 24 shtatorit në Banjskë nuk mund të përjashtohen.
“Por asnjëherë nuk përjashtohen format që janë përdorur në Banjskë. Përderisa përdoren ato forma, ne i kemi institucionet, i kemi kapacitetet të cilat munden me u ngritë edhe më shumë me operacione të sigurisë”, shtoi ai./teve1.info/
