Kandidati për deputet nga Lëvizja Vetëvendosje, Vigan Qorrolli, deklaron se përgjatë katër viteve qeverisje janë ballafaquar me drejtësi joefikase karshi sistemit prokurorial.
Qorrolli thotë se sistemi prokuroria ka qenë inert dhe joefikas në trajtimin e rasteve dhe denoncimeve.
“Çka është kapja? Llogaridhënia në qeveritë paraprake të Republikës së Kosovës dhe veprimtaria e sistemit gjyqësor dhe sidomos në sistemin prokurorial nuk ka ndodh asnjëherë që në kuadër të këtyre katër viteve e gjysmë, duke përfshirë edhe gjashtë mujorin e Kurti I që sistemi prokurorial me qenë kaq inert dhe kaq joefikas në trajtimin e rasteve dhe denoncime nga ana edhe institucioneve të qeverisë vartëse edhe ministrisë dhe agjencive të tyre vartëse”, tha ai në emisionin “Këndi i Debatit” në Tëvë1.
Ai deklaron se nëse janë bërë 300 kallëzime penale nga Qeveria Kurti, trajtimi nga ana e sistemit prokuroria ka qenë “ i barabartë me zero”.
“Nëse janë bërë 300 kallëzime penale nga ministrisë e Qeverisë Kurti, atëherë trajtimi i tyre është i barabartë me zero. Asnjë kallëzim penal nuk e kanë ofruar. Ndërkohë, që prokuroritë e shtetit në shtatë komuna – prokuroritë themelore kanë autorizime kushtetuese edhe kanë autorizime ligjore, sipas kodit penal brenda një afati të arsyeshëm kohor me i trajtu, qoftë me i pranua po me i refuzua. Ka drejtësi që është jashtëzakonisht selektive dhe ka një drejtësi që ata njerëz, të cilët kanë shërbyer përpara kanë qenë politikanë aktivë duke përfshirë edhe aktualisht gjyqtarë të Gjykatës Kushtetuese kanë qenë politikanë aktivë të partive më herët, të cilat kanë qenë në pushtet. Më thoni cilin prokuror, cilin gjyqtar e ka avancuar LVV-ja”, deklaroi ai.
