Lëvizja Vetëvendosje është e interesuar për një marrëveshje me Lidhjen Demokratike të Kosovës për çështjen e zgjedhjes së presidentit.
Kështu ka thënë, Vigan Qorroll, deputet i zgjedhur nga Lëvizja Vetëvendosje.
“Jemi të interesuar me Lidhjen Demokratike të Kosovës të arrijmë një konsensus. Ne duam që me LDK-në të mbërrijmë një konsensus i cili do t’i jepte vendit një president, që ne mendojmë duhet të jetë bipartizan që do të jetë një figurë që përfaqëson unitetin e popullit”, ka thënë ai në emisionin “Këndi i Debatit” në Tëvë1.
Qorrolli është shprehur se Lëvizja Vetëvendosje është e intersuar për t’i dhënë vendit stabilitet institucional.
“Ne e kemi maksimalisht serioze qenien tonë politike fitimin e zgjedhje për ë 5 herë rreth dhe ne duam t’i japim vendin stabilitet institucional me qeveri 4-vjeçare dhe me një president të zgjedhur me një mandat të plotë 5-vjeçar. Forma dhe diskutimi brenda llojit, duhet të jetë me permisa të sinqeritetit politik, i cili do të prodhojë një rezultat që në Kuvend të vihet dhe në një moment të zgjidhet presidenti. Këtë gjë e prodhon tavolina, konsensusi”, tha ai.
