Një i ri është therur me thikë pas një përleshje mes nxënësve në një shkollë në Drenas.
Sipas njoftimit të PK-së, i riu është transferuar për mjekim në Qendrën Klinike Universitare të Kosovës.
Për gjendjen e tij ka folur edhe shefi i repartit intensiv, Shaqir Uka e që tha se gjendja e tij është stabile,
“Është një djalë i ri që ka pësuar një lëndim me thikë në qafë në regjionin e djathtë. Gjendja e tij për momentin është stabile dhe vazhdon të marrë të gjithë tretmanin mjekësor”, ka thënë Uka.
Tutje, ai tha se pas ekzaminimeve, aktualisht po monitorohet në mjekimin intensiv.
Theksojmë se në lidhje me rastin, Policia e Kosovës ka arrestuar dy persona të moshës 16-vjeçare, ndërsa i treti është në arrati. /Teve1.info/
